د معلوماتی سیستمونو د امنیت ریاست ویب سایت ته ښه راغلاست

    د معلوماتی سیستمونو د امنیت ریاست چی د معلوماتی تکنالوجی لوی ریاست تر چوکات لاندی په کال ۲۰۰۹ کی رامنځ ته شوی دی چی د رامنځ ته کیدو موخه یی په هیواد کی د سایبری جرایمو سره مبارزه او مخنیوی دی او همدا رنګه پدی لاره کی د سایبری جرایمو، د سایبر امنیت او د با امنه اطلاعاتو د تبادلی په موخه د قوانینو پالیسو طرزالعملونو رامنځ ته کول دی یعنی د هیواد په سطحه د سایبری جرایمو د مخنیوی او سایبری خطراتو د پوهاوی لمړنی جوابګو ریاست دی همدارنګه د حکومت په سطحه د اطلاعاتو محرمیت محکمیت او لاسرسی هم یو له مهمو موخو څخه ګنل کیږی.

لید لور

    حکومت ، خصوصی سکتور او هیواد والو ته د با امنه مصونه او محفوظه سایبری فضا رامنځ ته کول.

تګلاره

    د اطلاعاتو ساتنه او ډاډینه د معلوماتی تکنالوجی زیربنا جوړول او مصونه کول، د اداری د مسوله کارمندانو د وړتیاوو لوړول تر څو د افغانستان له سایبری حریم څخه په ښه توګه ساتنه او دفاع وکړی. دهیواد د ځوانانو او ماشومانو ژغورنه د انترنیت په دنیا کی او دوی ته پوهاویی او خبرداری ورکول د انترنتی خطراتو څخه همدارنګه د معلوماتو د امنیت په برخه کی د پالیسیو او پروسیجرونو رامنځ ته کول زموږ له مهمو ګړنلارو څخه ګنل کیږی..